PalayCheck Field Day ug Mass Graduation gibisita ni Ms. Universe Margie Moran- Floirendo

PalayCheck Field Day ug Mass Graduation gibisita ni Ms. Universe Margie Moran- Floirendo

Ni: Marianne G. Agreda

“Ako, gusto ko rin matuto katulad ninyo. Sana sa susunod magkasama uli tayo”, mao kini ang mensahe sa kanhi Ms. Universe Margie Moran- Floirendo atol sa gipahitabong PalayCheck Farmer Field School (FFS) Field Day ug Mass Graduation niadtong Septembre 7, 2010 sa Purok Mahayahay, Cabayangan ning atong lungsod.
Atol mismo sa maong okasyon, gipang-apod-apod ang singkwenta (50) ka mga knapsack sprayers sa mga maswerteng mag-uuma gikan kay Congressman Antonio F. Lagdameo, Jr. pinaagi ni Ms. Moran-Floirendo ug sa iyang representative Engr. Dante Bautista.

Nagpakita usab ug dakong suporta alang sa mga mag-uuma si Mayor Lolit Moral ug malipayon niyang gisulti ang katumanan sa iyang gisaad nga magpahitabo ug farmers expository trip didto sa PhilRice-Agusan del Sur tungod kay ang imaging cropping nakaabot man sa target nga 7-8 tons per hectare nga maoy gihatag nga kondisyon o hagit sa mga mag-uuma. Tuod man kini nakab-ot atol sa Palaycheck graduation. “Sa pagkakaron usab nga cropping atong na obserabahan daghan ang naigo sa
stemborer, mao nga ang local nga panggamhanan naningkamot aron maka-establish ug laboratory sa Trichogramma ug nagahin kita ug budget for 2011 aron mapadayon nato kini nga programa”. Matud ni Mayor Moral.

Ang PalayCheck usa ka madasigon nga pagdumala sa tanum nga humay nga maghulagway sa pinakamaayong teknolohiya ug mga pamaagi sa pagdumala sa humay isip Key Check; nagtandi sa mga naandang pamaagi sa mga mag-uuma ug sa mga mas maayong pamaagi, ug pagkat-on pinaagi sa pakig-estorya sa grupo sa mga mag-uuma para sa kanunay mapalambo ang abot, mapadako ang kita ug mapaayo ang siguridad sa kinaiyahan. Ang PalayCheck mao ang Pagkat-on, Pagsusi ug Pakig-ambit sa mas maayong pamaagi sa panguma.
Ang maong Programa nakapagradwar ug 139 ka mga mag-uuma gikan sa pito (7) ka site ning atong munisipyo; Purok 2 Bugtong Talisay, Purok 3, Bugtong Talisay, Matin-ao, Bacali, New Casay, Cabayangan Poblacion, Sitio Pawas ug Purok Mahayahay, Cabayangan. Gitambungan usab kini ni Mr. Nelson C. Baer, Municipal Agriculturist ug uban pang mga bisita sama ni Mr. Dominador A. Encarnacion, Provincial Agriculturist, Mr. Boy Dela Cruz, DA-RFU XI Representative, Ms. Virgie Condoves, St. Mary’s College Foundation Representative, mga staff gikan sa Provincial Agriculturist Office (PAGRO) ug Municipal Agriculturist Office (MAGRO), Municipal ug Barangay Officials ug mga kugihan nga mag-uuma sa atong lungsod.

Leave Comment

Your email address will not be published.