Anti-Smoking Meeting Gipahigayon sa Opisina sa atong Mayor.
Gipahigayon ang usa ka Anti-Smoking Meeting sa lungsod nga gipangulohan mismo ni Mayor Inday Rubinos, kauban ang Municipal Health Office (MHO), uban pa nga mga section heads ug department heads.
Ang maong miting nagtumong sa pagpangita og mas epektibong paagi aron mapalig-on ang kampanya batok sa panigarilyo, ilabi na sa pagpanalipod sa kahimsog sa katawhan ug paghatag og mas hapsay nga palisiya alang sa komunidad.
Nagpasiugda kini og tinabangay tali sa lokal nga pangagamhanan, mga opisina, ug mga departamento aron mapalapdan pa ang pagpahibalo ug pagpangusog sa mga programa kontra panigarilyo.
Kini nga lakang usa ka timaan nga seryoso ang lungsod sa pagpanalipod sa kinabuhi ug panglawas sa tanang Dujaliñong lumulupyo.