Local School Board Meeting Gipahigayon
Gipahigayon ang usa ka Local School Board Meeting sa lungsod nga gipangulohan sa atong hinigugma nga Mayor, uban ang mga representante gikan sa DepEd ug lokal nga pangagamhanan.
Ang maong miting nagtumong sa paghisgot sa mga prioridad nga programa ug proyekto alang sa edukasyon, lakip na ang pagpaayo sa mga pasilidad sa eskwelahan, pagpalig-on sa kalidad sa pagtudlo, ug paghatag og dugang suporta alang sa mga estudyante ug magtutudlo.
Nagpakita kini nga ang lokal nga pamunuan seryoso sa pagtutok sa edukasyon isip usa sa mga haligi sa kalambuan, nga maghatag og dugang kahigayunan ug mas maayong kaugmaon alang sa kabataan sa Dujali.