Mayor Margarita Rubinos nanguna sa PNP AD HOC Interview para sa CY 2025 Attrition Recruitment Program
October 28, 2025| Gipangulohan ni Mayor Hon. Margarita Rubinos ang gihimong AD HOC Interview alang sa Attrition Recruitment Program ug selection process, nga nagtumong sa pagpili sa mga bag-ong aplikante sa kapulisan kung diin unom (6) ka mga aspiring police officer ang misalmot sa maong interview.
Ang maong kalihukan subay sa Memorandum Circular No. 2008-003 ug NAPOLCOM Memorandum Circular No. 2007-009, nga naga establisar sa kwalipikasyon ug ang recruitment process, selection ug appointment sa PNP.
Kauban sa screening committee sila Chief of Police- B.E Dujali MPS PCPT Joe Marlon V. Cabe, Hon. Joelito Cornejo, MLGOO- Sir Siegfred Buth Seńoron ug MS. Alicia Fango, Representanti sa Womens Sector.
Gibutyag ni Mayor Rubinos nga ang maong kalihukan usa ka importante nga lakang aron mapadayon ang kahapsay ug kalinaw sa komunidad pinaagi sa pagpalig-on sa han-ay sa PNP. Gipasalamatan usab niya ang mga miyembro sa interview panel ug ang mga aplikante sa ilang partisipasyon ug dedikasyon sa pagsuporta sa serbisyo publiko.
Ang AD HOC Interview usa sa mga importante nga bahin sa recruitment process, nga nagpasiguro nga ang matag mapili nga kandidato angay ug kwalipikado sa serbisyo. Gilauman nga pinaagi niini, mapalig-on pa ang pwersa sa PNP ug mapadayon ang siguridad ug kalinaw sa tibuok komunidad.
#AsensoDujaliño
#BastaRubinosAYOS
#SerbisyongINDAY-INDAY!SerbisyongTINUD-ANAY