World Teacher’s Day Celebration sa Municipal Gymnasium sa Themang “Recasting teaching as a collaborative profession”
October 27, 2025|Gipahigayon ang World Teachers’ Day Celebration sa Municipal Gymnasium diin gitapok ang tanang mga magtutudlo gikan sa lain-laing barangay sa lungsod sa Braulio E. Dujali aron paghatag og pasidungog, pag-ila, ug pagpasalamat sa ilang mapugsanon nga serbisyo sa edukasyon.
Ang maong kalihokan gipangulohan sa atong pinalanggang Municipal Mayor Hon. Margarita “Inday” Y. Rubinos, kauban ang Vice Mayor Hon. Yasmin Campion, ug mga SB Members nga nagpakita sa ilang tibuok-suportang pagpasidungog alang sa mga magtutudlo.
Nagpadala usab og representante si Hon. Governor Edwin I. Jubahib pinaagi ni Pastor Felimon Amper, nga naghatod og mainitong mensahe sa pasalamat ug pagdasig sa tanan natong mga magtutudlo. Si Sir Larry Y. Rubinos Sr. usab mipahat sa iyang mapadasigon nga mensahe, nga nag-awhag sa tanang guro nga magpadayon sa pag-alagad uban sa kadasig ug kasingkasing alang sa kabatan-onan.
Hugtaw ang kalipay ug katahum sa selebrasyon samtang ang atong mga pinalanggang teachers nakadawat og pahalipay, pasidungog, ug mga premyo isip timaan sa pag-ila sa ilang dedikasyon, sakripisyo, ug gugma sa pagtudlo.
#AsensoDujaliño
#BastaRubinosAYOS
#SerbisyongINDAY-INDAY!SerbisyongTINUD-ANAY