Opisyal nga Gi-ablihan ang 2025 Division School Press Conference sa Lungsod sa Braulio E. Dujali
November 3, 2025 (Lunes) — Opisyal nga gi-ablihan karong adlawa ang 2025 Division Schools Press Conference (DSPC) nga gipahigayon sa Municipality of Braulio E. Dujali, ug magpadayon kini hangtod sa Nobyembre 7, 2025, ubos sa tema nga “Campus Journalism: An Empowering Mechanism in the Era of Artificial Intelligence (AI).”
Ang DSPC 2025 usa ka kompetisyon alang sa mga elementary ug secondary levels, diin gipakita sa mga kabatan-onang mamamahayag ang ilang kahanas ug talento sa larangan sa campus journalism. Gisugdan ang kalihokan pinaagi sa Parade of Delegates, nga gipasiugdahan sa kapin 5,000 ka partisipante gikan sa nagkalain-laing tunghaan sa Davao del Norte.
Nagpakita sa iyang suporta si Municipal Mayor Hon. Margarita “Inday” Y. Rubinos, nga naghatag ug inspiradong mensahe alang sa mga bisita ug partisipante. Kauban usab ang atong Vice Mayor Hon. Atty. Yasmin Campion ug ang mga SB Members, nga nagpasiugda sa ilang padayong suporta alang sa maong kalihokan.
Giwelcome usab sa lungsod ang mga delegates gikan sa 12 school districts, nga nagpakita sa panaghiusa ug dedikasyon sa pagpalambo sa campus journalism.
Mitambong ug naghatag usab ug mensahe si Assistant Schools Division Superintendent Ma’am Jannete G. Veloso, EdD, CESO VI. Anaa usab sa kalihokan si Education Program Supervisor/OIC-Public School District Supervisor Dr. Grace Santa Daclan, si Chief, Curriculum Implementation Division Dr. Eduard C. Amoguis, EdD, ug si Schools Division Superintendent Sir Reynaldo B. Mellaorida, CESO V.