BARANGAY ASSEMBLY | Gidumala karong adlawa, Marso 25, ang 1st Semester Barangay Assembly Day sa Barangay Tanglaw Gym. Kini gitambongan ni Mayor Margarita Y. Rubinos uban ni Mr. Siegfred Butch F. Señoron, MLGOO, ni Sgt Ardy D Tamon (Inf) PA 27IB 10ID PA, ug mga opisyal ug residente sa nahisgutang barangay.
Ang maong kalihukan gihimo subay sa mandato sa Republic Act No. 7160 o ang Local Government Code of 1991, nga nagkinahanglan sa matag barangay nga magpahigayon og asembliya kaduha matag tuig aron ipahibalo sa katawhan ang mga programa, proyekto, ug kahimtang sa panggamhanan.
Ang maong asembliya nagtumong sa paghatag og update sa komunidad, pagpaminaw sa mga kabalaka sa katawhan, ug pagpalig-on sa partisipasyon sa publiko sa mga kalihukan sa barangay ug lokal nga panggamhanan.