BRAULIO E. DUJALI LGU NAKADAWAT UG PASIDUNGOG SA DAVAO DEL NORTE AWARDS NIGHT 2026
July 2, 2026 (Huwebes) | Nakadawat og Davao del Norte Tourism and Culture Governance Excellence Award ang Lokal nga Panggamhanan sa Braulio E. Dujali atol sa Davao del Norte Awards Night 2026 nga gipahigayon karong gabii sa DavNor Gym, DNSTC, Tagum City.
Ang maong awarding ceremony, nga gipangunahan sa Probinsiyal nga Panggamhanan sa Davao del Norte, nagpasidungog sa mga institusyon ug mga indibiduwal nga adunay dakong kontribusyon sa kalamboan ug mga kalampusan sa probinsiya sa milabay nga tuig. Gihatagan usab og pag-ila ang mga indibiduwal nga nakasungkit og dagkong kadaugan sa nagkalainlaing natad isip pagpasidungog sa ilang talagsaong mga nahimo ug sa dungog nga ilang gidala sa Davao del Norte.
Personal nga mitambong sa awarding ceremony sila Mayor Margarita Y. Rubinos, Vice Mayor Atty. Yasmin Valle-Campion, SB Member Hon. Alex Bacurayo, SB Member Hon. Joelito C. Cornejo, ug Municipal Tourism Office In-Charge Nina Lyn N. Nonog, nga midawat sa maong pasidungog ug mipakita sa padayon nga suporta sa mga inisyatiba sa probinsiya nga nagpalambo sa kultura sa kahusayan, pag-ila sa talagsaong serbisyo, ug pagdasig sa padayon nga kalamboan.
Ang maong pagpasidungog usa ka pag-ila sa padayon nga paningkamot sa Lokal nga Panggamhanan sa Braulio E. Dujali sa paghatag og episyente nga serbisyo publiko ug sa aktibong pagtampo sa kalamboan sa Probinsiya sa Davao del Norte.
#BRAULIOEDUJALI #DavaodelNorteAwardsNight2026