BRAULIO E. DUJALI MIPASIGARBO SA HULAGWAY SA KADAGAYAAN: COOKING COMPETITION
July 3, 2026 (Biyernes) |Malampusong nakigbahin ang Munisipyo sa Braulio E. Dujali sa Hulagway sa Kadagayaan: Cooking Competition, usa sa mga highlight nga kalihokan sa 59th Araw ng Davao del Norte ug Kadagayaan Festival 2026, diin gipakita sa matag partisipanteng lungsod ug munisipyo.
Usa sa dakong garbo sa Braulio E. Dujali mao ang atong iladong lokal nga delicacy nga Patotin, kauban ang Pita Heritage, nga nagsilbing representasyon sa talagsaon nga culinary identity sa atong lungsod. Kini nga mga pagkaon dili lamang naghatag og talagsaong lami, kondili nagdala usab sa atong kasaysayan, tradisyon, ug identidad isip mga Dujalinio.
Pinaagi sa dedikasyon ug kahanas nila Ma’am Mary Grace Belleza ug Sir Brian Espartero, napadayag ang kahinungdanon sa pagpreserbar sa atong lokal nga kultura pinaagi sa modernong presentasyon sa tradisyonal nga mga putahe.
Ang pag-apil niini nga kompetisyon usa ka pagpamatuod nga ang kalamboan dili lamang makita sa imprastraktura ug mga programa, apan usab sa pagpreserbar sa kultura, pagpasiugda sa lokal nga talento, ug pagpasigarbo sa mga produkto nga naghulma sa atong pagkaila isip usa ka lungsod.