SURVEY PARA SA COLEGIO DE BRAULIO E. DUJALI
July 3, 2026 (Biyernes) | Padayon ang inisyatiba sa Lokal nga Panggamhanan sa Braulio E. Dujali sa pagpalambo sa sektor sa edukasyon pinaagi sa malampusong retrieval sa mga survey questionnaire kabahin sa giplanohang pag-establisar sa Colegio de Braulio E. Dujali.
Ang mga survey gikolekta gikan sa Dujali National High School, Tanglaw National High School, Antonio V. Fruto Sr. National High School, New Casay Integrated School, Kinamayan Integrated School, La Libertad National High School, ug Anibongan National High School. Ang mga datos nga natigom magsilbing mahinungdanong basihan sa pag-assess sa panginahanglan ug feasibility sa pagtukod sa usa ka lokal nga kolehiyo aron mapalapdan ang access sa dekalidad nga tertiary education alang sa mga estudyante sa lungsod.
Kini nga lakang kabahin sa padayon nga paningkamot sa Lokal nga Panggamhanan, ubos sa liderato ni Mayor Margarita Y. Rubinos, uban sa suporta ug paggiya ni Dr. Dominador Alagdon, sa paghatag og mas daghang oportunidad sa edukasyon ug sa pagpalig-on sa kaugmaon sa kabatan-onan sa Braulio E. Dujali.