COMMITTEE OF THE WHOLE TAKES UP PROPOSED BRAULIO E. DUJALI NIGHT MARKET ORDINANCE
𝐉𝐮𝐥𝐲 𝟏𝟔, 𝟐𝟎𝟐𝟔 (Martes) | Gipahigayon sa Sangguniang Bayan Session Hall ang Committee of the Whole aron hisgutan ang Proposed Braulio E. Dujali Night Market Ordinance, usa ka inisyatiba nga nagtumong sa pagpalig-on sa lokal nga ekonomiya ug paghatag og dugang oportunidad sa panginabuhian alang sa mga Dujaliño.
Gipangulohan ang komitiba ni Vice Mayor Atty. Yasmin Valle-Campion, REA, REB, uban sa mga Miyembro sa Sangguniang Bayan ug mga representante gikan sa nagkalain-laing opisina sa munisipyo. Gituki sa panaghisgot ang mga probisyon sa maong ordinansa aron masiguro ang hapsay, luwas, ug organisadong operasyon sa ipatuman nga night market.
Ubos sa liderato ni Mayor Margarita Y. Rubinos, nagpadayon ang Lokal nga Panggamhanan sa Braulio E. Dujali sa pagpanday og mga polisiya ug programa nga nagpalambo sa lokal nga negosyo, nagmugna og dugang panginabuhian, ug naghatag og mas maayong serbisyo alang sa mga Dujaliño.