LGU BRAULIO E. DUJALI JOINS THE 48TH NATIONAL DISABILITY RIGHTS WEEK
𝐉𝐮𝐥𝐲 𝟏𝟔, 𝟐𝟎𝟐𝟔 (Huwebes) | Malampusong miapil ang delegasyon sa LGU Braulio E. Dujali, lakip ang mga Persons with Disabilities (PWDs), sa selebrasyon sa 48th National Disability Rights Week nga gipahigayon sa DavNor Gymnasium. Ang maong kalihokan nagtumong sa pagpasidungog sa katungod, dignidad, ug bililhong kontribusyon sa mga PWD sa katilingban.
Atol sa kalihokan, gipakita sa delegasyon sa Braulio E. Dujali ang aktibong partisipasyon ug panaghiusa uban sa ubang mga lokal nga panggamhanan sa Davao del Norte isip suporta sa adbokasiya alang sa usa ka mas inklusibo, patas, ug walay diskriminasyon nga komunidad. Gipasundayag usab sa delegasyon ang mga lokal nga produkto sa Lungsod sa Braulio E. Dujali isip pagpasiugda sa lokal nga panginabuhian ug pagpakilala sa mga produkto sa atong lungsod.
Ubos sa liderato ni Mayor Margarita Y. Rubinos, nagpadayon ang Lokal nga Panggamhanan sa Braulio E. Dujali sa pagpalig-on sa mga programa ug inisyatiba nga nagpanalipod sa katungod, kaayohan, ug mga oportunidad alang sa mga Persons with Disabilities, isip kabahin sa pagtukod sa usa ka komunidad.