MGA MAG-UUMA MAKABENEPISYO SA MOBILE SOILS LABORATORY SA BRAULIO E. DUJALI
𝐉𝐮𝐥𝐲 𝟏𝟔, 𝟐𝟎𝟐𝟔 (Huwebes) | Malampusong gipahigayon sa Braulio E. Dujali ang Launching ug Orientation sa Mobile Soils Laboratory (MSL) isip kabahin sa padayon nga paningkamot sa pagpalig-on sa sektor sa agrikultura pinaagi sa paghatag og moderno ug siyentipikong serbisyo sa soil testing alang sa mga mag-uuma sa lungsod.
Gipangunahan sa Mobile Soils Laboratory Team ang maong kalihokan nga gilangkuban nila NER Antonneth Mataksil (SRS I – Chem Section), Jhon Francis S. Pama (SRS I – Chem Section), Jay-Ar A. Nicor (SRS I – Physical Section), Jayne Chessa H. Ebuetada (SRS I – Microbiological Section), ug Rizalito B. Pilande (Administrative Aide, MSL PILO). Gihatagan nila og oryentasyon ang mga partisipante bahin sa kahinungdanon sa soil analysis aron matabangan ang mga mag-uuma sa hustong pagpili ug paggamit sa abono, pagmintinar sa kahimsog sa yuta, ug pagpausbaw sa kalidad ug kadaghan sa ilang ani.
Nagpakita usab og suporta sa maong programa si Hon. Alex Bacurayo, nga mitambong sa kalihokan isip pagpalig-on sa mga inisyatiba nga nagpauswag sa sektor sa agrikultura sa lungsod.
Nagpadayon ang administrasyon ni Mayor Margarita Y. Rubinos sa pagsuporta sa mga programa nga naghatag og bag-ong teknolohiya ug kalidad nga serbisyo alang sa mga mag-uuma. Pinaagi sa Mobile Soils Laboratory, gilauman nga mas mapalambo pa ang produksyon sa agrikultura ug mapalig-on ang panginabuhian sa mga Dujalinio pinaagi sa siyentipikong pamaagi sa pagdumala sa yuta.