OATH-TAKING OF THE NEWLY APPOINTED MUNICIPAL TREASURER IN MUNICIPALITY OF BRAULIO E. DUJALI
𝐉𝐮𝐥𝐲 𝟏𝟔, 𝟐𝟎𝟐𝟔 (Huwebes) | Davao City – Malampusong gipahigayon ang panumpa sa katungdanan ni Joel E. Fajardo isip Municipal Treasurer sa Lokal nga Panggamhanan sa Braulio E. Dujali nga gipahigayon sa Bureau of Local Government Finance (BLGF) Region XI sa Dakbayan sa Dabaw.
Ang maong seremonya gipangunahan ni Von Clinton W. Cordero, Regional Director sa BLGF Region XI, kinsa maoy nagpapanumpa kang Joel E. Fajardo isip bag-ong Head sa Municipal Treasurer’s Office sa Munisipyo sa Braulio E. Dujali. Ang maong kalihokan nagpamatuod sa padayon nga suporta sa BLGF sa pagpalig-on sa kapasidad ug propesyonalismo sa lokal nga pagdumala sa panalapi.
Pinaagi sa maong seremonya, nagtimaan kini sa usa ka bag-ong yugto sa pagpangulo sa Municipal Treasurer’s Office ug nagpasiugda sa padayon nga paningkamot sa Lokal nga Panggamhanan sa Braulio E. Dujali, ubos sa liderato ni Mayor Margarita Y. Rubinos, sa pagpalig-on sa maayong pagdumala, transparency, accountability, ug episyenteng paghatod sa serbisyo publiko alang sa tanang Dujalinio.