LIFE IN PUROK | Sitio Bacale
Padayon gihapon ang paghatud sa mga batakang serbisyo ngadto sa mga komunidad pinaagi sa LIFE in PUROK, nga malampusong gipahigayon sa Sitio Bacale.
Ang kalihokan gipangulohan ni Mayor Margarita Y. Rubinos, kauban si Vice Mayor Atty. Yasmin Valle-Campion, mga Miyembro sa Sangguniang Bayan, mga opisyal sa barangay ug sitio, ingon man mga kawani gikan sa nagkadaiyang opisina sa munisipyo.
Atol sa maong kalihokan, nakabenepisyo ang mga residente sa libreng medical consultation ug check-up, pagpang-apod-apod sa vegetable seeds, ug anti-rabies vaccination alang sa mga binuhi. Kini nga mga serbisyo nagtumong sa pagpalambo sa panglawas sa komunidad, pagsuporta sa panginabuhian sa mga pamilya, ug pagpalig-on sa responsableng pag-atiman sa mga hayop.
Pinaagi sa LIFE in PUROK, nagpadayon ang Lokal nga Panggamhanan sa Braulio E. Dujali sa pagduol sa mga programa ug serbisyo ngadto sa katawhan, isip kabahin sa iyang paningkamot sa paghatag og episyente, inklusibo, ug responsive nga serbisyo publiko alang sa tanang Dujalinio.