OATH-TAKING CEREMONY SA MGA BAG-ONG GI-APPOINT UG NAPROMOTE NGA MGA EMPLOYADO
Kabahin sa Monthly Convocation sa Lokal nga Panggamhanan sa Munisipyo sa Braulio E. Dujali, malampusong gipahigayon ang Oath-Taking Ceremony alang sa mga bag-ong gi-appoint ug napromote nga mga kawani sa munisipyo.
Nagpanumpa sa ilang katungdanan sila Mercedes Obosa Abansado, bag-ong gi-appoint isip Midwife I sa Municipal Health Office; Niña Lyn Naid Nonog, nga napromote isip Environmental Management Specialist II sa Municipal Environment and Natural Resources Office (MENRO); ug Joel Espina Fajardo, nga napromote isip MGDH I – Municipal Treasurer.
Ang maong seremonya nagtimaan sa padayon nga pagpalig-on sa propesyonalismo ug integridad sa serbisyo publiko, ug nagpasiugda sa pasalig sa Lokal nga Panggamhanan sa paghatag og episyente, responsable, ug dekalidad nga pag-alagad alang sa tanang lumulupyo sa Munisipyo sa Braulio E. Dujali.