TUPAD PROFILING UG ORIENTATION SA 80 KA MGA BENEPISYARYO
Malampusong gipahigayon ang TUPAD Profiling ug Orientation alang sa 80 ka mga benepisyaryo sa Munisipyo sa Braulio E. Dujali, nga gipangunahan ni Municipal Administrator Allan S. Paraguya uban sa Public Employment Service Office (PESO). Ang maong kalihokan nagtumong sa paghatag og komprehensibong kasayuran kabahin sa programa, mga katungod ug responsibilidad sa mga benepisyaryo, ingon man sa mga giya sa implementasyon sa Tulong Panghanapbuhay sa Ating Disadvantaged/Displaced Workers (TUPAD).
Pinaagi sa maong profiling ug orientation, gipalig-on ang kahandam sa mga benepisyaryo alang sa hapsay nga pagpatuman sa programa, subay sa mga giya sa Department of Labor and Employment (DOLE). Ang maong programa nahimong posible pinaagi sa pagpanguna ni Municipal Mayor Hon. Margarita Y. Rubinos, inubanan ni Vice Mayor Atty. Yasmin Valle-Campion, ug sa mga Miyembro sa Sangguniang Bayan, isip kabahin sa ilang paningkamot sa pagpalapad sa mga oportunidad sa panginabuhian ug pagpauswag sa kaayohan sa mga lumulupyo sa Munisipyo sa Braulio E. Dujali.